قصيدة عتاب بين زوج وزوجته
قالت ...
.خذها عهد : والعهْد ملزومه اوفيه
لاسقيك من كاس الهجر والتجافي
واعاملك باسلوبك اللي تسويه
حتى تصيح بعالي الصوت
كافي
قال لها ....
ياغايبة وشلون بعدي قويتيه
وشلون قلبك طاوعك تهجريني
الله أكبر وين عهد(ن) خذيتيه
وين الوعود وين ذاك اليميني
كم مرت(ن) دمعي بكفك مسحتيه
واليوم وينك غايبه ماتجيني
مشتاقلك والشوق يصرخ ظلمتيه
حسي بشوقي يالغلا وأرحميني
عودي لقلب(ن)من حنانك حرمتيه
لاتقطعين الوصل بينك وبيني
قلبي يحبك هايم(ن)لو جرحتيه
أنتي أمل عمري وفرحة سنين
وبعد سماع الزوجه الهرج
قالت......
مجنون حبك يا سبايب جنوني
طيفك عبر قدام عيني وناديت
شافوك بإحساسي و هم يسمعوني
رديت لي اجمل فيني وغنيت
نورت كل ايام عمري وكوني
ذكراك هي روحي حشى ما تناسيت
طاريك اربكني وحرك سكوني
فقال الزوج......
أنت العمر لاجيت والموت لارحت
وأنت الضيا للعين يانور عيني
اشتاق لك يمي واشتاق لاغبت
واشتاق لو ضمت يمينك يميني
أنت القمر جالس والشمس لاقمت
وأنت الشفا من كل همن يجيني
العبره بالقصيدة احترام الزوجة وتقديرها
أن النساء رياحين خلقنا لنا ونحن نهوى
شم الرياحينا